საქართველოს სინოლოგთა ასოციაციის პატრონაჟით გამოიცა ჩინეთის ისტორიის შესახებ პირველი ქართულენოვანი ნაშრომი. ნაშრომზე საავტორო კოლეგია რამდენიმე წლის განმავლობაში მუშაობდა და ის მოიცავს ჩინეთის ისტორიას უძველესი პერიოდიდან მეოცე საუკუნის მეორე ნახევრის ჩათვლით. აღმოსავლეთ აზიითა და ჩინეთით დაინტერესებული მკითხველს უკვე შეეძლება მშობლიურ ენაზე გაეცნოს უძველესი ჩინური ცივილიზაციის სამხედრო, პოლიტიკურ, სოციალურ და კულტურულ ელემენტებს, გაიაზროს დინასტიების შექმნისა და დამხობის წინაპირობები, თვალი მიადევნოს “ცენტრალური სამეფოს” ინტერაქციას რეგიონალურ და ლოკალურ დონეზე. ბოლო ათწლეულებში ჩინეთის როლი და ჩართულობა მსოფლიო პროცესებში სულ უფრო ინტენსიური ხდება, თუმცა საზოგადოების ნაწილისთვის ის მაინც რჩება უცნობ და რთულად აღსაქმელ საზოგადოებად, ვიმედევნებთ რომ “ჩინეთის ისტორია” ბევრ აქამდე უცნობ საკითხზე გასცემს ჯეროვან პასუხს.
წიგნზე მუშაობდა ქართველ ჩინეთმცოდნეთა საავტორო კოლეგია:
ოთარ ჭიღლაძე, დავით ანდღულაძე, ნანა გელაშვილი, შალვა ჩიხლაძე, არჩილ კალანდია და მარინე ჯიბლაძე.
წიგნის პრეზენტაციის შესახებ პლატფორმა სინოლოგია უახლოეს ხანებში გაგიზიარებთ ინფორმაციას.
Discussion about this post